點心專門店 「飲茶」🫖再唔係只發生於午市/下午茶時段，想食點心嘅話晚市都有得食啦！今次去咗灣仔新開嘅「龍點心」🐲食晚飯，提供嘅全部都係即叫即做嘅粵式點心及菜式。最近天氣凍食新鮮即蒸嘅點心真係好暖胃㗎。 店內推出嘅創意點心及菜式非常適合打卡。環境走新派路線，同傳統酒樓相比確實係好唔同。灣仔店面積唔算大但總算坐得舒服，好啱一家大細去飲茶呢。 ▫️一龍大滿足 (HKD62) - 「龍點心」招牌點心拼盤，多款招牌點心放入手挽木籠入面 - 松露野菌晶瑩餃、鹹蛋黃墨魚燒賣、豌豆桃子、蟹粉菠菜香蝦餃、酸菜魚鳳眼餃同埋荀尖蝦餃皇。一籠點心集齊師傅精心研製嘅點心，值得一試。 ▫️脆脆紅米富貴腸粉(HKD48) - 用紅米獎做腸粉真係第一次見，紅卜卜腸粉皮內裡包住鮮蝦春卷，新鮮感十足。 ▫️拉絲波蘿包 (HKD38) - 一定要趁熱食，凍咗唔好食之餘同埋做唔到拉絲效果㗎啦。 ▫️龍蝦汁墨魚燒賣(HKD42) - 燒賣裡面有流心餡料，小心爆汁。 另外我哋仲試咗兩款點心 - 鰻魚荷葉飯 (HKD78) ，大澳蝦醬鮮魷卷 (HKD52) 。 ⭐️每位茶芥HKD10 #社群時間囊